Приветствую Вас, Гость
Главная » 2018 » Ноябрь » 13 » Муҥха
07:40
Муҥха

   Сэтинньи 10 күнүгэр 9-10 кылаастартан 25 уол Аллаҥа "Көчүй" диэн күөлүгэр муҥхаҕа баран кэллилэр. Николаев Илья убайа, Яковлев Миша, Аммосов Айсен, Егоров Андрей, Иванов Сеня, Николаев Кеша аҕалара уолаттары бэйэлэрин оҕолорун курдук көрө-истэ сырыттылар. 3 уолу Иванов Дима маамата тэрилтэтин массыынатыгар миэстэ булан илдьэ сырытта. Лицейтэн Николай Васильевич уонна Венера Петровна сылдьыстылар.

   Уолаттарбыт үксэ кэриэтэ муҥха диэҥҥэ сылдьа иликтэр эбит. Онон хайдах муҥхалыыр туhунан биллилэр. Муҥха тэриллэрин ааттарын истэн интэриэhиргээтилэр. Бэйэлэрин кыахтарынан анньыынан ойбон алларан көрдүлэр.

   Түмүгэр биэстии киhи 1 куулу үллэhиннилэр. Онон дьиэлэригэр илии тутуурдаах кэлэн дьоннорун үөртүлэр.

   Уолаттарбыт астыннылар даҕаны, сылайдылар даҕаны.

   Аллаҥа баhылыгар Николай Васильевичка, оскуола директорыгар Владимир Владимировичка, биhигини ыҥыран, муҥхаҕа кытыннарбыттарыгар, лицейбит суоппарыгар Афанасийга күөлгэ тилэри илдьэн-аҕалан биэрбитигэр улахан махталбытын тиэрдэбит.

Венера Васильева

Просмотров: 63 | Добавил: flana9838 | Рейтинг: 5.0/1
Всего комментариев: 0
avatar