Приветствую Вас, Гость
Главная » 2017 » Апрель » 28 » Кыра күөллэри салгыннааһын
10:44
Кыра күөллэри салгыннааһын

Кыра күөллэри салгыннааһын 2017 сыл биһиги дойдубутугар экология сылынан биллэриллибитэ. Ол чэрчитинэн улууспутугар араас тэрээһиннэр буолалларЛицейбит эмиэ экология сылыгар анаан араас тэрээһиннэри былаанныыр. Муус устар 15 күнүгэр биһиэхэ өтөрүнэн буолбатах сүрдээх үчүгэй тэрээһин буолан ааста. Ол курдук Сунтаардааҕы айылҕа харыстабылын уонна Сунтаардааҕы политехническай лицей-интернат холбоһон тэрийбит «Воздух в озера» диэн экологическай акциятаыытылынна. Бу акция сүрүн соруга Саха сирин күөллэрин салгынынан байытыы буолар. Тоҕо диэтэр сылын аайы сорох күөллэр куйуурдаммат буолан, саас салгын кыайан киирбэккэ, уу олохтоохторо, ол иһигэр үксүн балык өлөр. Ол иһин куйуурдамматах күөллэри ледобуурунан үүттээн салгын киллэрээһинин ыытыллар. Бу акцияҕа кыттыһан айылҕа харыстабылын испектордара Лукин Анатолий Николаевич уонна Игнатьев Айаал Алексеевич, 31 лицей уолаттара, 16 аҕалар, убаайдар уонна лицей үлэһиттэрэ Сунтаар Аллаҥа икки ардыгар сытар «Далбар Маара» диэн күөлгэ салгыннааһын үлэтин ыыттыбыт. Маннык айылҕаҕа олус туһалаах акцияҕа биһигин илдьэ сылдьыбыт завучпутугар, Венера Петровнаҕа, биология учууталыгар Надежда Викторовнаҕа, ОБЖ учууталыгар Николай Васильевичка, бэйэлэрин массыыналарын илдьэ сылдьыбыт аҕаларга махталбын тириэрдэбин.

Кырелов Виталий, 6 «в» кылаас үөрэнээччитэ

Ледобууру саҥа тутуннум. Туһанарга чэпчэки эбит. Хамаанданан элбэх ойбон оҥорууга уонна уолаттар ыккардыларыгар түргэнник дьөлүүгэ күрэх буолбута. Ол күрэххэ мин 5 – 6 кылаастарга 2 миэстэ буолбутум. 1 миэстэни Коркин Гриша – 5в, 3 миэстэни Пестряков Эрчим – 5в ыллылар. 7 – 8 кылаастарга 1 миэстэ – Дормидонтов Дима – 8а, 2 миэстэ – Марков Борис – 7б, 3 миэстэ – Спиров Артем – 7а, 9 – 10 кылаастарга 1 миэстэ – Фомин Алексей, 9б, 2 миэстэ – Селляхов Максим, 10б, 3 миэстэ – Степанов Сергей, 10б кылаас уолаттара буоллулар. Акция түмүгүнэн хамаандалар маннык номинацияларга тигистилэр: «Юные экозащитники» - 6а, «Современное решение аэрации водоемов» - 7а, «Решение экопроблем – всей семьей!» - диэҥҥэ Винокуровтар дьиэ кэргэттэрэ, «Сын и отец – вместе СИЛА!» - Коркиннар, «Максимум лунок» - 5б, 8б, 10б кылаастар, «За волю к победе» - 5в, 7б, 10в кылаастар, «Массовое участие» - 6в, 8а, 9б кылаастар. Мин маннык тэрээһиҥҥэ кыттыбыппыттан наһаа үөрдүм уонна астынным. Сибиэһэй салгынынан тыынан, буурунан тутта үөрэнэн, бириэмэбин олус туһалаахтык атаардым. Акцияны тэрийбит дьоҥҥо махтанабын.

Львов Илья, 6«в» кылаасүөрэнээччитэ

Просмотров: 99 | Добавил: flana9838 | Рейтинг: 0.0/0
Всего комментариев: 0
avatar