Приветствую Вас, Гость
Главная » 2019 » Март » 16 » “Дьоҕур-2019” региональнай фестиваль
02:35
“Дьоҕур-2019” региональнай фестиваль

Кулун тутар 14-15 күннэригэр А.А. Иванов- Күндэ аатын сүгэр Кутана орто оскуолатыгар “Дьоҕур-2019” региональнай фестиваль үрдүк тэрээһиннээхтик буолан ааста. Бүлүү бөлөх улуустарын  85 булугас өйдөөх чулуу оҕолоро кэлэн араас задачалары суоттаатылар, сытыы өй оонньууларыгар күрэхтэстилэр.

Фестиваль маҥнайгы күнүгэр оҕолорбут учууталлара биэрбит билиилэрин тоҕо тэбээн, толкуйдаан суоттаан маннык ситиһиилэри көрдөрдүлэр: 5 кылаастарга 1 миэстэ Александров Костя (Ньурба лиссиэйэ), 2 миэстэ Егоров Женя (Сунтаар лиссиэйэ), Семенова Айыына (Сунтаар, Күндэйэ), 3 миэстэ Кугасов Уйгулаан (Сунтаар лиссиэйэ), Ефремова Виолетта (Үөһээ Бүлүү лиссиэйэ). 6 кылаастарга лиссиэйдэргэ: 3 миэстэ Семенов Лев (Үөһээ Бүлүү), орто оскуолаларга 3 миэстэ Ксенофонтов Вася (Ньурба). 7 кылаастарга лиссиэйдэргэ 1 миэстэ Семенов Кэскил (Үөһээ Бүлүү), 2 миэстэ Егоров Владик (Сунтаар), Алексеев  Ян (Ньурба), 3 миэстэ Фролова Ксения (Сунтаар), Егорова Тома (Үөһээ Бүлүү). Орто оскуолаларга 1 миэстэ Еремисов Айсен (Үөһээ Бүлүү), 2 миэстэ Андреев Арсен (Үөһээ Бүлүү), Саввинов Петя (Ньурба), 3 миэстэ Терентьев Арсен (Ньурба). 8 кылаастарга математика5а: 1 миэстэ Махатырова Диана (Ньурба), 2 миэстэ Николаева Саина (Үөһээ Бүлүү), Федоров Валентин (Ньурба), 3 миэстэ Иванова Дайаана (Сунтаар), Саввинова Диана (Ньурба), физика5а 1 миэстэ Махатырова Диана (Ньурба), 2 миэстэ Саввинова Диана (Ньурба), 3 миэстэ Федоров Валентин (Ньурба), Петрова Алена (Ньурба), орто оскуолаларга математика5а түмүк тахсыбата, физикаҕа 1 миэстэ Григорьев Арылхан (Сунтаар, Арыылаах), 2 миэстэ Петрова Влада (Сунтаар, Бүлүүчээн), Федорова Диаманда (Ньурба, Антоновка), 3 миэстэ Алексеев Алеша (Сунтаар, 1№ оск.), Данилов Марек (Сунтаар, Тойбохой).

Лиссиэй учууталлара Ушатова А.И., Андреева Т.А.  5 кылаастарга анаан “Математическая абака” диэн оонньуу күрэҕин тэрийэн ыыттылар. Эрийсиилээх күрэх түмүгүнэн 1 миэстэ Ньурба лиссиэйэ, 2 миэстэ Сунтаар лиссиэйэ, 3 миэстэ Сунтаар лиссиэйин иккис хамаандата буоллулар. 6,7,8 кылаас о5олоро матбой, физматбой оонньоотулар. Матбой диэн о5олор икки ардыларыгар хамаанданнан күрэх ааттанар. Кыттааччылар араас таһымнаах математика, физика задачаларын суоттууллар уонна ону хайдах суоттаабыттарын анал хамыыһыйаҕа, атын хамаанда иннигэр тахсан кэпсээн көмүскүүллэр. Ким сөпкө суоттаабыт уонна  үчүгэйдик быһаарбыт кыайар. Бу күрэх оҕо дьон иннигэр тахсан санаатын сааһылаан этэр, толкуйдуур  дьоҕурун сайыннарар, бэйэтин көрүүтүн көмүскүүргэ, иҥнибэккэ эппиэттиргэ үөрэтэр, бэйэ- бэйэҕэ үтүө  сыһыаны, өйдөһөр майгыны иитэр. Икки күннээх матбой кэнниттэн лиссиэйдэргэ 1 миэстэ Үөһээ Бүлүү, 2 миэстэ Сунтаар, 3 миэстэ Ньурба, орто оскуолаларга: 1 миэстэ  Үөһээ Бүлүү, 2 миэстэ Ньурба, 3 миэстэ Сунтаар хамаандалара ыллылар. Физматбой түмүгүнэн лиссиэйдэргэ 1 миэстэ Ньурба, 2 миэстэ Сунтаар, 3 миэстэ- Үөһээ Бүлүү, орто оскуолаларга 1 миэстэ Сунтаар, 2 миэстэ Ньурба, 3 миэстэ Үөһээ Бүлүү хамаандалара буоллулар. Жюрига улууска "Дьоҕур" түмсүү  салайааччыта лиссиэй учуутала Маркова Т.Я председателлээх регион  оскуолаларын математикаҕа, физикаҕа учууталлара уонна «Дьо5ур» фестиваль хас да төгүллэх кыайыылааҕа Кутана орто оскуолатын 9 кылааһын үөрэнээччитэ Кычкина Катя үлэлээтилэр.

Сунтаарбыт бастыҥ оҕолоро улуустарын чиэһин көмүскээтилэр. Кыайбыт оҕолор бу ый 29-30 күннэригэр Дьокуускай куоракка Бүлүү регионун хамаандатыгар киирэн кыттыахтара. 
Сунтаарга түөрт сылга биирдэ ыытыллар региональнай олимпиаданы үрдүк таһымҥа тэрийэн ыытыспыт Кутана оскуолатын коллективыгар (директор Архипов В.Н) махталбытын тиэрдэбит.
Кэскили  түстүүр, инникигэ эрэли саҕар, дириҥ билиини-көрүүнү ыларга угуйар "Дьоҕур" фестиваль кыайыылаахтарыгар инникитин толкуйдуур дьоҕургут сайдан,  суолдьут сулус буолан иннигитин сырдата турдун!

Саргылана Лонкунова, лиссиэй математика кафедратын салайааччыта

Просмотров: 31 | Добавил: flana9838 | Рейтинг: 5.0/1
Всего комментариев: 0
avatar